10-те најважни правила за пијанење

1. ОК е и да се пие сам.

2. Вотката може да се меша со сè, вклучително и со повеќе вотка.

3. Во виното е вистината, во пивото е силата, но вискито е водата на животот.

4. Пијаните зборови се трезни мисли. Слушај внимателно.

5. Ако некогаш направиш нешто многу глупаво, не се вади на пијанство.

6. Ако тој/таа е сè уште грд/а после 7 пијачки, откажи се.

7. Пивото е храна. Виното оди со храна. Коктелите бараат храна.

8. Кога пијачките се служат бесплатно, опасно е. Почитувај ги ваквите ситуации.

9. Никогаш не одбивај бесплатна пијачка и не се жали за нејзиниот квалитет или бренд.

10. Секогаш останувај на повеќе од една пијачка. Тогаш работите почнуваат да се случуваат.

Женски толковен речник (за мажи)

„УБАВО“ – Тоа е збор што жените го користат за завршување на спорот, кога тие се во право а вие треба да замолчите.
„ПЕТ МИНУТИ“ – Ако таа се облекува, тоа значи околу час и половина. Но кога ќе ви даде 5 минути да гледате натпревар, пред да започнете со домашните обврски, тие 5 минути се само 5 минути.
„НИШТО“ – Тоа е затишје пред бура. Тоа значи „НЕШТО“ и треба да сте на штрек. Споровите кои започнуваат со „НИШТО“, обично завршуваат со „УБАВО“ (види погоре).
„ПРОДОЛЖИ“ – Ова е закана, а не дозвола. Не правете го тоа!
„СИЛНА ВОЗДИШКА“ – Всушност, тоа не е збор, тоа не е ниту вербално обраќање, но често погрешно е разбрано од мажите. „СИЛНА ВОЗДИШКА“ значи дека таа ве смета за идиот и се прашува зошто си го губи времето со вас. Се користи заедно со „НИШТО“ (види погоре).
„СЕ Е ВО РЕД“ – Ова е една од најопасните фрази. Тоа значи дека таа сака да размисли внимателно за нештата пред да одлучи како да платите за грешките.
„БЛАГОДАРАМ“ – Жената ви изразува благодарност. Не поставувајте никакви прашања. Едноставно кажете – „ЗАПОВЕДАЈТЕ ПАК“.

Иднината на Европската Унија

2015 година – Хрватска, Босна и Херцеговина, Македонија и Турција се примени во ЕУ.

2017 година – Албанија, Косово и Србија се примени во ЕУ.

2018 година – За прв пат во европските институции се назначува Бугарин на висока функција. Тој ја вработува својата жена, сите роднини на жена си, членовите на семејствата на нивните соседи и нивните пријатели.

2019 година – Вработените од балканските земји претставуваат 10 проценти од европската администрација. Македонија и Грција бараат решение за проблемот со името.

2022 година – Вработените од балканските земји претставуваат 60 проценти од европската администрација. Администрацијата ги зголемува платите тројно, воведува флексибилно работно време, словенската група на јазици е на трето место меѓу јазиците во администрацијата. Поради стрес, 90 проценти од администрацијата е на боледување. Најмногу болни се констатирани во периодот од 15 јуни до 15 септември, и од 15 декември до 15 јануари. Болните вработени се забележани на Алпите, Канарските острови и на други места познати лекувалишта на стрес. Европскиот парламент изгласува закон според кој од буџетот на ЕУ се плаќа за лекување на овие луѓе.

2025 година – Балканците достигнуваат 90 проценти од администрацијата. Македонија и Грција бараат решение за проблемот со името.

2026 година – Високата цена на европската администрација бара драстични намалувања. Отпуштени се белгиските државјани, службеници во ЕУ. Балканските вработени во ЕУ достигнуваат 99,3 проценти од вкупниот број.

2027 година – Македонија успешно го реформира судството.

2028 година – Србија го презема претседателството со ЕУ. Германија ја напушта ЕУ. Македонија и Грција бараат решение за проблемот со името.

2030 година – Албанија го превзема претседателството со ЕУ – до крајот на годината ЕУ ја напуштаат Велика Британија, Белгија, Данска, Шведска, Холандија, Луксембург, Италија, Шпанија, Португалија, Австрија, Чешка, Литванија, Латвија, Естонија и Словенија. Сите овие земји воведуваат строг визен режим за членките на ЕУ.