Маша J.
Министерката Весна Јаневска ги откри шокантните бројки за новата учебна година. Засега се запишани само околу 14.500 првачиња. Според статистиката, во 2020 година биле родени дури 19.031 дете, што остава огромна празнина од речиси 5.000 деца кои не се запишани. Овој загрижувачки демографски тренд принуди итна оптимизација на целата училишна мрежа низ државата.
Затворање рурални училишта и крај за комбинираните паралелки
-
Петок
699 ден
524.25 ден
Оваа година природно ќе згаснат 26 рурални училишта. Во нив воопшто немало интерес и упис на нови првачиња. Вкупно се укинуваат 200 паралелки во основното и уште 100 во средното образование со цел да се подобри квалитетот. Комбинираните паралелки ќе се задржат само во исклучителни случаи. Тоа ќе важи единствено за села кои се оддалечени повеќе од 15 до 20 километри од првото централно училиште.
„Ако имаме централно училиште со 200 деца, а на 2,5 километри имаме објект со 18 деца, нема логика тие да останат заробени таму. Треба да ги придвижиме кон подобро образование.“
Целодневна настава за спас на работните места
И покрај драстично намалениот број на ученици, ниту еден наставник нема да остане без работа. Решението се наоѓа во воведувањето на подолг престој и задолжителна целодневна настава. Во една паралелка ќе работат по две наставнички во две смени, грижејќи се за децата сè до 16 часот. Јаневска посочи дека овој тренд е неопходен за родителите да бидат послободни во текот на денот. Што се однесува до учебниците, таа вети дека системот е конечно стабилен и оштетените книги ќе бидат веднаш заменети.
