Војната никогаш не била поблиску до Европа: Катастрофално сценарио ако Путин тргне во акција

Саботажите во европските води станаа почести откако почна војната во Украина во 2022 година. Европската Унија и НАТО сега стравуваат дека Русија планира поголеми операции кои би можеле да предизвикаат катастрофа на Стариот континент.

Најлошото сценарио вклучува раст на цени, недостаток на струја и ограничен извоз, а експертите предупредуваат дека војната никогаш не била толку блиску до европскиот праг.

Во Балтичкото море од 2022 година се регистрирани најмалку шест сомнителни инциденти, а од 2023 година нападнати се 11 подводни кабли.

Ова предизвика паника низ Европа и ги наметна следните клучни прашања:

1. Што ако наредните напади бидат посериозни и координирани?
2. Што ако Русија започне директен напад врз Европа?
3. Што ако тоа значи војна?

Ваквиот развој на ситуацијата може да значи:

• Ирска да остане без електрична енергија поради прекин на три клучни кабли.
• Норвешка која обезбедува третина од гасот за Европа преку подводни гасоводи да биде сериозно погодена.
• Напади врз било која инфраструктура би предизвикале енергетски хаос и скок на цени.

Саботажи на Балтикот

Прв голем инцидент беше уништувањето на гасоводот Северен тек во септември 2022 година, со сомнеж дека во тоа учествувале украински државјани. Оттогаш саботажите продолжија и ги погодија комуникациите, гасните и електрични кабли меѓу Шведска, Финска, Германија, Латвија и Естонија.

Каблите кои пренесуваат податоци низ светот се ранливи на напад и тешко се поправаат, што може да потрае со месеци и чини милиони евра.

Најранливи точки во Европа

Најзагрозени се земји како Ирска и Малта кои немаат адекватна воена и техничка подготвеност за спречување саботажи. Особено ранливо е и Северното море кое содржи клучни гасоводи што ја поврзуваат Норвешка со континентална Европа.

Катастрофалното сценарио

Најлошото сценарио е саботажа во зима која би предизвикала енергетски колапс, раст на цените и прекин на извозот, што би ги оставило милиони без пристап до енергија.

Одговор на ЕУ и НАТО

НАТО најави дополнителни безбедносни мерки, распоредувајќи воени бродови и беспилотни летала за мониторинг. Европската Унија планира да инвестира 540 милиони евра во инфраструктура за заштита на подводните кабли и создавање резервни решенија.

Финска, Естонија, Литванија и Велика Британија преземаат посебни национални мерки за заштита на својата инфраструктура.