Европа во „режим на преживување“: Секој четврти доцни со сметките, Грција е најлоша

Еден од четворица Европејци сè уште не ги плаќа своите сметки навреме, а најтешко погодена е младата популација, покажува најновиот извештај на „Intrum“.

Иако инфлацијата се намалува, финансискиот притисок останува висок. Додека во Шпанија и Австрија 83% од домаќинствата се уредни плаќачи, во Грција тој процент е само 67%. Многу потрошувачи остануваат во „режим на преживување“, а 43% сметаат дека кризата оставила трајни негативни последици врз нивниот буџет.

Генерацијата Z: Долгови поради инфлуенсери?

Најзагрижувачка е состојбата кај младите. Дури 63% од испитаниците од Генерацијата Z изјавиле дека доцнењето со сметките им станало редовна појава. Покрај недостатокот на пари (што е проблем за 52% од нив), експертите посочуваат на нов феномен – „аспиративен притисок“.

Според извештајот, социјалните мрежи создаваат нереални стандарди, па дури 31% од младите велат дека западнале во долгови обидувајќи се да го ископираат животниот стил на инфлуенсерите и да бидат во чекор со врсниците.