Замена на цигарите со алтернативи без чад носи подобра кондиција

Научна студија: Замена на цигарите со алтернативи без чад ја подобрува кондицијата за четири недели

Италијански истражувачи открија дека преминот кон алтернативи без чад носи значителни придобивки за белите дробови и срцето.

Ново истражување од Универзитетот во Катанија покажа дека пушачите кои преминуваат на електронски цигари или уреди за загревање тутун ја подобруваат својата физичка кондиција за само четири недели. Главниот параметар што се следеше е VO2 max – максималната количина кислород што телото може да ја користи за време на напор.

Студијата опфати 220 возрасни лица кои немале намера целосно да се откажат од пушење. По само еден месец, тие што ја намалиле или целосно замениле навиката со алтернативи без чад покажале значително подобрување на апсорпцијата на кислород, со раст на VO2 max од 3 до 6 проценти. Овие резултати се споредливи со ефектите кај лица кои целосно прекинале со употреба на тутун.

Истражувачите нагласуваат дека најголемата придобивка доаѓа од елиминацијата на штетните материи што се создаваат при согорување на цигарите, особено јаглерод моноксидот, кој го ограничува транспортот на кислород во телото. Ова доведува до побрзо закрепнување на респираторниот и кардиоваскуларниот систем.

Иако научниците посочуваат дека потребни се подолгорочни студии, првичните резултати укажуваат дека алтернативите без чад може да бидат ефективна алатка за намалување на штетите од пушењето и подобрување на општата физичка кондиција. Овој заклучок е особено значаен со оглед на тоа што слични промени веќе доведоа до преполовување на продажбата на цигари во земји како Јапонија.