Мајсторски потези на Јокиќ: Кошарката изгледа едноставно со него на терен

Во победата на Денвер Нагетс над Јута Џез со 129:103, Никола Јокиќ повторно блесна и го покажа својот уникатен стил. Србинот беше на само еден чекор од трипл-дабл, забележувајќи уште еден импресивен „Сомбор дабл“ со 27 поени, 16 скокови и 9 асистенции.

Од самиот почеток на натпреварот, Јокиќ доминираше со својот прецизен шут и неверојатна контрола на играта. Неговите асистенции го креваа публиката на нозе, а на трибини посебно се слушаше аплауз кога погоди три тројки во низа.

Со оваа игра, Јокиќ уште еднаш покажа дека кошарката навистина е едноставна кога на теренот има мајстор како него.