Мицкоски е скапо платен спроведувач на интересите на држави кои не ѝ мислат добро на Македонија, тврди лидерот на СДСМ

„За една година ВМРО-ДПМНЕ ја заглави државата на меѓународен план. Станавме држава заложник на туѓи интереси.“

Ова го кажа претседателот на Социјалдемократскиот сојуз на Македонија, Венко Филипче. Тој се обрати на вечерашната трибина „Мугра на Слободата“, која се одржа во градот Крушево.

„Од држава со јасна иднина, до заложник на туѓи интереси“

Тој рече дека Владата на ВМРО-ДПМНЕ од држава со јасна иднина, ја направила држава заложник. „Туѓите интереси ја раководат оваа власт преку финансиско заложништво,“ изјави Филипче. „Мицкоски е скапо платен спроведувач на политики на држави кои не ѝ мислат добро на Македонија.“

„Туку, тие ја гледаат само како поле за остварување на своите геостратешки интереси,“ рече тој. Ова се досега најсериозните обвинувања упатени кон премиерот.

„Новите долгови се вистинско предавство на државата“

Филипче обвини дека Мицкоски со новите задолжувања направил вистинско предавство. „Долговите од 7 милијарди евра ќе бидат камен околу вратот за секој млад човек. И за развојот на државата во следните 10 години,“ додаде тој.

„Ова е вистинско предавство на националните интереси.“ Во своето обраќање, Филипче рече дека премиерот ја турка Македонија во амбис. Амбис на криминал, корупција и самоволие. И дека со тоа ја киднапира европската иднина за државата.