НЕ ЗАБОРАВАЈТЕ: Од 15 ноември стартува обврската за зимска опрема!

Од 15 ноември до 15 март возилата кои учествуваат во јавен сообраќај на патиштата задолжително треба да поседуваат пропишана зимска опрема, соопшти Министерството за внатрешни работи.

Оваа обврска за возачите ја предвидува Законот за безбедност на сообраќајот на патиштата, а подетално ја уредува Правилникот за задолжителна опрема на возилата.

Што ви е потребно за патнички возила (до 3.500 кг)?

• Опција 1: Зимски пневматици на сите четири тркала, со минимална длабочина на шарите од 4 милиметри.
• Опција 2: Пневматици со летен профил на сите четири тркала (со длабочина од најмалку 4 милиметри), *доколку* возилото во приборот поседува синџири за снег со адекватна големина за погонските тркала.

Што ви е потребно за возила со погон 4×4?

• Опција 1: Зимски пневматици на сите четири тркала, со минимална длабочина на шарите од 6 милиметри.
• Опција 2: Пневматици со летен профил (со длабочина од најмалку 4 милиметри), доколку возилото во приборот поседува синџири за снег.

Што е потребно за автобуси и товарни возила (над 3.500 кг)?

• Зимски пневматици на погонските тркала (со мин. 6мм длабочина) *ИЛИ* летни пневматици (мин. 4мм) со синџири за снег во приборот.
• Автобусите и товарните возила кои поради технички причини не можат да постават синџири, мора да имаат зимски пневматици на погонските тркала и прирачен алат – лопата.

Што се смета за зимски пневматик?

Зимски пневматици се оние кои на својата бочна страна имаат ознака „MS”, „M+S”, „M & S” и знак на снегулка на стилизирана планина со три врвови. Во патниот сообраќај е забрането поставување на пневматици со шајки.