Весна Љ.
Кифличките со мелено месо се одличен избор за појадок, вечера, ужина или свечена трпеза. Подготовката не е комплицирана, а комбинацијата од меко тесто, богат фил и прелив со путер им дава посебен вкус.
Потребни состојки
- 500 грама брашно
- 250 милилитри млеко
- 1 кесичка сув квасец
- 1 лажичка шеќер
- 2 лажички сол
- 80 милилитри масло
- 300 грама мелено месо
- 1 главица кромид
- Половина лажичка црн пипер
- 50 грама путер
- 200 милилитри вода
Подгответе го тестото и филот
-
Те сакам како пивото
699 ден
524.25 ден
Загрејте го млекото да биде млако, па додајте ги квасецот и шеќерот. Оставете неколку минути, а потоа додајте ги брашното, една лажичка сол и маслото.
Замесете мазно тесто, покријте го и оставете го да нарасне околу еден час.
Во тава пропржете го ситно исечканиот кромид. Додајте го меленото месо и динстувајте додека течноста целосно не испари. Зачинете со црн пипер и малку сол, па оставете го филот да се излади.
Обликување и печење
Расукајте го тестото и исечете го на триаголници. На поширокиот дел од секое парче ставете малку фил, а потоа завиткајте го во форма на кифличка.
Наредете ги кифличките во плех обложен со хартија за печење. Оставете ги да одморат уште 20 минути, па печете ги околу 25 минути на 190 степени.
Тајната е во топлиот прелив
Додека кифличките се печат, загрејте ги водата, путерот и преостанатата лажичка сол. Мешајте додека путерот целосно не се растопи.
Штом ќе ги извадите кифличките од рерната, рамномерно прелијте ги со топлиот прелив. Покријте ги со чиста кујнска крпа и оставете ги околу 10 минути да ја впијат течноста.
Послужете ги додека се топли, со јогурт, кисело млеко или свежа салата.
