Оваа 92-годишна баба трча 200 метри за 50 секунди и руши светски рекорди

Италијанката Ема Мазенга не е просечна 92-годишна жена.

Имено, таа е спринтерка која може да истрча 200 метри за нешто повеќе од 50 секунди. Таа има соборено неколку светски рекорди и освоено 12 медали, а вели дека сè уште се чувствува напната пред секоја трка.

„Родена во 1933 година, Ема ги освои насловните страници кога го собори светскиот рекорд на 200 метри во затворен простор во нејзината возрасна група во 2024 година со време од 54,47 секунди“, наведува CNN.

Од пауза од 25 години до светски рекорди

Таа престанала да тренира откако завршила колеџ. Работела како наставничка, се омажила и имала деца. Кога имала 53 години, по 25 години пауза, повторно почнала да трча.

„Прекрасно е. Кога ќе излезете на сцената, ја свират националната химна и секогаш е многу емотивно“, вели таа за освојувањето медали.

Повеќе од само вежбање – тајната е во митохондриите

Таа учествува во истражување за да се утврди како може да трча толку брзо во своите 90-ти години. Научниците откриле дека нејзината кардио-респираторна кондиција е слична на онаа на луѓето во педесеттите години, а митохондриите во нејзините мускули функционираат слично на оние на здрави дваесетгодишници.

Таа им дала совет на сите оние кои сакаат да бидат во иста физичка форма: „Би рекла дека прво треба да се грижите за вашата исхрана, а потоа редовно да се занимавате со физичка активност“.