Падна од небото: мистериозен објект што гори најден во дивината на Австралија

Чуден објект е пронајден како гори во оддалечен дел на австралиската дивина, без видливи траги на земјата кои би укажувале на тоа како стигнал таму.

Објектот бил пронајден околу 14 часот во саботата во близина на рудник, а најблиското населено место е градот Њуман, оддалечен околу 30 километри, известува „Дејли Меил“. Работниците на локацијата го пронашле објектот кој сè уште тлеел на ретко користен пристапен пат, а властите работат под претпоставка дека паднал од вселената.

Итните служби биле брзо известени, а полицајците набрзо го блокирале подрачјето.

What an amazing sight over Richmond 💫 I don't know if #Meteor #Comet or #SpaceJunk #Melbourne pic.twitter.com/8SHbweU2qK

— Stewart Mason (@karmicstewii) August 7, 2023

Предмет од јаглеродни влакна

Првичните проценки укажуваат дека објектот е направен од јаглеродни влакна и дека би можел да биде композитен сад под притисок или резервоар од ракета. Австралиското биро за безбедност на сообраќајот потврдило дека објектот не потекнува од комерцијален авион.

Фотографиите кои ги објавиле властите го прикажуваат објектот како гори на црвениот песок, додека неколку други слики ги прикажуваат неговите јагленосани остатоци откако пожарот бил изгаснат. Големиот црн објект е сличен на претходно познати остатоци од вселенски летала кои се распаѓаат при влегувањето во атмосферата, соопштила полицијата на Западна Австралија.

„Понатамошна техничка проценка ќе спроведат инженери од Австралиската вселенска агенција за да помогнат во идентификацијата на неговата природа и извор“, се наведува.

🛰️🔥 Possible space junk in the Pilbara (WA)
Around 2:00 pm local time, mine workers found a burning object on a remote access road ~30 km east of Newman. Early assessments point to carbon fibre, possibly a COPV/rocket tank. The ATSB has ruled out a commercial aircraft. The area… pic.twitter.com/G0m8nMyMXW

— Christiano – AstroAnimatorVFX (@Chris_AstroVFX) October 19, 2025

Повеќе од само отпад

Иако неговата природа сè уште не е потврдена, објектот предизвикал љубопитност слична на претходните видувања на неидентификувани објекти низ земјата. Во 2023 година, голема количина вселенски отпад исплива на брегот на Западна Австралија, а во 2022 година, жителите биле сведоци на голема огнена топка која се покажало дека е руски сателит. Истрагата за најновиот случај е сè уште во тек.