Рецепт за Тавче гравче на тетовски начин – Посно и вкусно

Гравчето е присутно често на македонската трпеза, а едно од најпознатите традиционални македонски рецепти е Тавче гравче. А овој пат за љубителите на овој специјалитет го споделуваме рецептот за подготовка на Тавче гравче на тетовски начин.

Потребни состојки:

• 450 гр грав
• 1 поголема главица кромид
• 2-3 чешниња лук
• Мешан зачин
• Сол
• Црн пипер
• Црвен пипер
• Суво нане
• Масло за јадење

Подготовка:

1. Варење на гравот:
   • Гравот добро измијте го, а потоа ставете го да се вари во поголемо количество вода.
   • Варете го додека не омекне, па тргнете го од огнот.
2. Подготовка на запршката:
   • Во тавче загрејте масло за јадење.
   • Кромидот и лукот исечкајте ги на ситни коцки (или користете сецко), и ставете ги да се пропржат додека не омекнат.
   • Додадете 2 големи лажици црвен пипер и кратко промешајте.
3. Зачинување на гравот:
   • Сварениот грав префрлете го во голем сад, додајте ја запршката и убаво промешајте.
   • Зачинете со мешан зачин или сол, црн пипер и малку суво нане за уникатен вкус.
4. Печење:
   • Зачинетиот грав ставете го во плех и печете го во загреана рерна на 200°C додека не се искрчка и не добие златна боја.
5. Сервирање:
   • Послужете го Тавче гравчето со свежа салата по ваш избор и уживајте во овој традиционален македонски специјалитет!

Бон апетит!