Светна елката на плоштад „Македонија“: Скопје влезе во празничната магија

Градоначалникот на Скопје, Орце Ѓорѓиевски, синоќа на плоштадот „Македонија“ симболично го означи почетокот на празничната магија со свечено осветлување на новогодишната елка.

Пред присутните граѓани и деца, тој порача дека по години сивило, главниот град повторно живее со светлина и позитивна енергија.

Со официјалното отворање на Божиќниот маркет, Ѓорѓиевски истакна дека Скопје прави значаен чекор напред кон визијата да се развива рамо до рамо со современите европски градови. Тој вети дека оваа вечер ќе остане запишана во историјата и ќе прерасне во убава традиција на заедништво и радост за сите генерации.