Весна Љ.
Трамп бара брз мир за обнова на трговијата
За време на телефонскиот разговор, американскиот претседател инсистирал на што поскоро прекинување на конфликтот во Украина. Според Јуриј Ушаков, помошник на претседателот на Русија, Трамп јасно го искажал својот став дека брзиот крај на војната веднаш би отворил импресивни и широки перспективи за целосно обновување на односите меѓу САД и Русија. Тој му потенцирал на Путин дека обновувањето на трговските врски меѓу двете светски сили ветува колосални економски придобивки за двете земји.
„Трамп јасно го искажа својот став за што поскоро завршување на конфликтот, што веднаш би отворило импресивни и широки перспективи за целосно обновување на односите“, истакна Ушаков пред новинарите.
Путин: „Немаме агресивни планови за Европа“
-
Јога шимпанзо
699 ден
524.25 ден
Од своја страна, Владимир Путин излегол со објективна и детална анализа на ситуацијата на бојното поле и целите на руската Специјална воена операција. Рускиот претседател директно му укажал на Трамп што би можела американската страна реално да направи за брзо да ги заврши воените дејствија во Украина.
Осврнувајќи се на геополитичките тензии на континентот, Путин категорично ги отфрлил шпекулациите за наводни непријателски намери на Русија против европската државност. Тој нагласил дека Москва нема никакви агресивни планови кон Европа, оценувајќи дека митовите кои се шират за „руската закана“ служат исклучиво како покритие за европските лидери да ја оправдаат зголемената поддршка за Украина и сопствените повисоки воени трошоци.
Двајцата лидери се договориле да останат во редовен контакт и да продолжат со работа на решавање на отворените хуманитарни прашања, со посебен фокус на процесот за размена на притвореници и осуденици меѓу двете држави.
