Весна Љ.
Нови американски предлози на маса
Специјалните емисари на Доналд Трамп поминале повеќе од три часа зад затворени врати со рускиот државен врв. Според советникот за надворешна политика Јуриј Ушаков, разговорите биле исклучително конструктивни и суштински, иако деталите од новите предлози кои ги донеле Американците остануваат строга тајна. Портпаролот на Кремљ, Дмитриј Песков, потврди дека на маса се ставени свежи идеи за решавање на конфликтот, а ставовите на Путин веќе денеска ќе му бидат пренесени на украинскиот претседател Володимир Зеленски на средбата во Киев.
„За нас е пријатно да соработуваме со нив“, изјави Путин пред почетокот на средбата, фалејќи ја посветеноста на Трамп кон мирот и нагласувајќи дека Кушнер и Виткоф веќе ја стекнале довербата на официјална Москва.
Привремено примирје за безбедна дипломатија
-
Апсана
699 ден
524.25 ден
За да се овозможи непречено одвивање на оваа деликатна дипломатска мисија, двете завојувани страни направија редок и исклучително важен компромис. Путин и Зеленски постигнаа џентлменски договор за привремен прекин на воените напади врз Москва и Киев додека траат посетите на преговарачите од Вашингтон. Украинскиот лидер јавно се обврза дека Киев ќе се воздржи од удари врз руската престолнина во период од три дена, очекувајќи апсолутен реципроцитет од руската армија кон главниот град на Украина со цел да се гарантира безбедноста на дипломатите.
Скептицизмот останува и покрај дијалогот
И покрај позитивните дипломатски сигнали и безбедносните гаранции за американската делегација, очекувањата за брз крај на крвопролевањето се сведени на минимум. И Москва и Киев остануваат длабоко скептични кон обидите за брзо затворање на војната која ја гази својата петта година, со оглед на длабоко вкоренетите и спротивставени барања на двете страни. Сепак, денешната средба на Кушнер и Виткоф во Киев ќе биде клучна за да се види дали постои каков било простор за приближување на ставовите и отворање на вистински мировен процес.
