Хит видео: Леопард сретна лепешкар и неговата реакција е бесценета!

Снимка што го насмеа интернетот: Леопард во чудо гледа како лепешкар турка топче измет

Видеото, забележано од професионалниот фотограф Ник Клир во резерватот Мала Мала во Јужна Африка, стана вирален хит на социјалните мрежи. На него се гледа средба помеѓу моќен леопард и мал лепешкар (бумбар) кој неуморно си ја турка својата топчеста „драгоценост“.

„Што е ова?“ – Реакцијата на леопардот е бесценета

На снимката се гледа како дивата мачка му приоѓа на инсектот со љубопитност, но и со видно збунет израз на лицето. Леопардот го душка топчето, но штом сфаќа од „што“ е направено, прави гримаса и го оставува лепешкарот да си ја продолжи работата.

Корисниците на социјалните мрежи се шегуваат дека леопардот во тој момент сфатил оти „неговиот живот сепак не е толку тежок“. Иако сцената е смешна, таа потсетува и на важната еколошка улога на лепешкарите, кои ја чистат природата и ја збогатуваат почвата.