Јамајка е под вода, 500.000 луѓе се во мрак, „Мелиса“ сега оди кон Куба

Ураганот Мелиса продолжи да се движи кон Куба со сила на моќна бура од категорија 4, неколку часа откако стигна до копното во соседната Јамајка како најсилниот циклон досега што ја погодил таа карипска островска нација.

Мелиса се упати кон брегот во близина на југозападниот град Њу Хоуп на Јамајка, со застрашувачки ветрови до 295 километри на час, што е далеку над прагот за категорија 5 (252 км/ч).

Последиците се катастрофални. Во југозападна Јамајка, парохијата Света Елизабета останала целосно под вода, а повеќе од 500.000 жители се без електрична енергија.

„Извештаите вклучуваат штети на болници, значителна штета на станбени и комерцијални објекти, како и на патната инфраструктура“, изјави премиерот на Јамајка, Ендру Холнес, за Си-Ен-Ен. Тој додаде дека иако владата нема потврдени смртни случаи *на островот*, со оглед на силата на ураганот, очекува дека ќе има загуби. Пред да ја погоди Јамајка, Мелиса веќе однесе најмалку четири животи во Хаити и Доминиканската Република.

Catastrophic flooding and storm surge from #HurricaneMelissa in Alligator Pond, Manchester, Jamaica. pic.twitter.com/GD6aOY4YGB

— Joint Cyclone Center (@JointCyclone) October 28, 2025

Повеќе од само бура – Куба и Бахамите на готовс

Додека бурата се движеше преку планинскиот остров, нејзините ветрови благо се намалија на 233 км/ч, но таа останува екстремно опасна и сега се движи кон Сантијаго де Куба, вториот најнаселен град во Куба.

🌪️ 🇯🇲Impactantes imágenes desde Kingston, Jamaica muestran los estragos del huracán Melisa , que avanza por el Caribe con fuerza devastadora.
🙏 Solidaridad con las familias afectadas.#Huracan #Melissa
pic.twitter.com/JTjQQVIBdQ

— Mónica Saade (@MonicaSaadeX) October 28, 2025

„Знаеме дека овој циклон ќе предизвика значителна штета“, изјави кубанскиот претседател Мигел Дијаз-Канел, повикувајќи ги граѓаните да ги почитуваат наредбите за евакуација. Околу 500.000 Кубанци се преместени на повисоки места. Властите на Бахамите, кои се следни на патот на Мелиса, исто така наредија евакуација.

Метеоролозите во „AccuWeather“ ја рангираа Мелиса како трет најинтензивен ураган забележан во Карибите, веднаш зад легендарните Вилма (2005) и Гилберт (1988) – последниот голем ураган што директно ја погоди Јамајка.