Акацуки е „мртов“: Jапонскиот истражувач на Венера конечно згасна по 15 години

По загубениот контакт пред една година, Јапонската вселенска агенција (JAXA) официјално ја прогласи вселенската сонда Акацуки за „мртва“, со што се стави крај на операциите и се откажа од обидите за нејзино враќање.

Лансирана уште во 2010 година, мисијата на Акацуки беше да ги проучува временските шеми на Венера, пренесува futurism.com. Сондата вредна 300 милиони долари, позната и како Климатски орбитер на Венера, доживеа дефект на моторот при првиот обид да влезе во орбитата на Венера и помина пет години „изгубена“ кружејќи околу Сонцето, пред JAXA да најде начин да ја „спаси“ и успешно да ја внесе во орбитата на Венера во 2015 година.

И покрај раните проблеми (две инфрацрвени камери откажаа во 2016), Акацуки повеќекратно го надмина својот планиран животен век од 4,5 години. За време на 15-годишната мисија, сондата собра податоци што резултираа со 178 објавени научни трудови. JAXA изгуби контакт со леталото во април 2024 година.

Повеќе од само сонда – иднината на Венера

Акацуки беше најблиската врска на човештвото со Венера и ја означува првата успешна јапонска мисија за истражување на друга планета. Според податоците на НАСА, само уште седум орбитери успешно кружеле околу Венера. Сега, светот гледа кон иднината: НАСА ги планира мисиите DAVINCI (2030) и VERITAS (2031), а Европската вселенска агенција (ESA) ја планира мисијата EnVision во текот на 2030-тите.