Бел чад над Ватикан: Лав XIV е првиот американски папа!

Историски Момент За Католичката Црква: Роберт Превост Станува Папа Лав XIV

Густ бел чад се издигна попладнево од оџакот над Систинската капела, означувајќи дека Римокатоличката црква избра нов папа. Илјадници аџии на плоштадот „Свети Петар“ избувнаа во аплауз, а ѕвоната на базиликата официјално ја потврдија радосната вест.

Изборот е направен на вториот ден од гласањето по четвртиот круг во конклавата – тајниот собир од 133 кардинали кои одлучуваат за судбината на Црквата. Новоизбраниот папа е Роберт Превост од САД, првиот папа во историјата кој доаѓа од Америка. Тој ќе владее под името Лав XIV.

Овој настан претставува значаен пресврт за Ватикан, означувајќи нова ера во лидерството на Католичката црква. Се очекува наскоро новиот папа да се обрати пред народот од прочуениот балкон на базиликата.