Весна Љ.
Нашите баби многу добро знаеја како здраво да се хранат. Ова е токму едно од оние јадења кои како деца често не ги сакавме, но со текот на годините научивме вистински да ги обожаваме.
Потребни состојки (за 4 лица)
- Млада боранија: 700 г
- Компири: 300 г
- Моркови: 2 парчиња
- Кромид: 1 поголема главица
- Домати: 3 парчиња
- Лук: 2 чешниња
- Масло за јадење: 3 лажици
- Вода: 700 мл
- Зачини: 1 лажичка мелена слатка пиперка, 1 ловоров лист, 1 лажичка сол, 1/2 лажичка црн бибер
- Магдонос: 2 лажици (ситно сечкан)
Начин на подготовка
-
La Linea v12
699 ден
524.25 ден
Времето за подготовка на овој вкусен оброк е помеѓу 30 и 60 минути, а тежината на подготовка е оценета како лесна.
Исчистете ја боранијата и исечете ја на поголеми парчиња. Кромидот ситно исечкајте го, а морковите и компирите исечете ги на коцки. Во поголемо тенџере загрејте го маслото, па пропржете го кромидот додека не омекне.
Откако кромидот ќе добие златна боја, додајте ги морковите, компирите и ситно исечканиот лук, па кратко динстајте со постојано мешање. Умешајте ја мелената слатка пиперка и веднаш додајте ги доматите претходно исечкани на коцки.
Сипете ја водата, уфрлете го ловоровиот лист и боранијата, па зачинете со сол и бибер. Гответе на умерена температура околу 45 минути, додека зеленчукот не омекне целосно, а течноста благо не се згусне.
Пред самиот крај на готвењето, вмешајте го сечканиот магдонос и оставете ја манџата уште неколку минути на тивок оган. Послужете го јадењето додека е топло, во комбинација со свеж леб по желба.
