ВАШИНГТОН ПОПУШТИ: „Лукоил“ доби дозвола од САД да ги продаде своите средства!

САД донесоа важна одлука: Дадоа зелено светло за трансакции на „Лукоил“ во Бугарија до 2026 година

Министерството за финансии на САД издаде лиценца со која се дозволува трансакциите поврзани со продажбата на меѓународниот имот на компанијата „Лукоил“ да продолжат до 13 декември, се наведува во документот објавен од Канцеларијата за контрола на странски имот (OFAC).

Покрај тоа, Министерството издаде и посебна, долгорочна лиценца за четири компании на „Лукоил“ кои работат во Бугарија (Лукоил Нефтохим Бургас, Лукоил Бугарија и други), која е продолжена до 29 април 2026 година.

Повеќе од само одлука – Вашингтон претходно блокираше продажба

САД воведоа санкции против „Лукоил“ како дел од притисокот врз Москва. Вашингтон неодамна блокираше обид на „Лукоил“ да го продаде својот имот на компанијата „Гунвор“ (Gunvor) со седиште во Швајцарија, пред рокот за спроведување на санкциите на 21 ноември.

„Лукоил“ неодамна соопшти дека бара купувачи за својот меѓународен имот, кој се проценува на околу 22 милијарди долари (според извештаите од 2024 година).