ВЕТУВАЛЕ „МЛАДОЖЕНЕЦ МИЛИЈАРДЕР“: Мајка и ќерка „гатачки“ украле 46 МИЛИОНИ долари!

Мајка (53) и нејзината ќерка (25) се уапсени во луксузното предградие Довер Хајтс во Сиднеј, осомничени дека измамиле луѓе за околу 46 милиони долари, објави Би-Би-Си.

Постарата жена се претставувала како гатачка и мајстор за фенг шуи, ветувајќи им на жртвите дека „младоженец милијардер наскоро ќе им ја промени судбината“. Таа ги убедувала луѓето да земат кредити, дел од кои ги задржувала за себе.

Повеќе од само измама – запленети луксузни чанти и златна прачка

За време на рацијата во нивната мултимилионска вила биле запленети финансиски документи, луксузни чанти, мобилни телефони, чипови за казино и златна прачка од 40 грама, вредна околу 6.500 долари. Дополнително, полицијата замрзнала средства во вредност од 15 милиони долари, покрај 60-те милиони што веќе биле блокирани во претходните фази од истрагата (вкупно 75 милиони долари).

Мајката во притвор, поврзани со „синдикат на пентхаус“

Мајката се соочува со 39 обвиненија, меѓу кои водење криминална група и измама, додека ќерката е обвинета за седум кривични дела. Судот одбил кауција за мајката, додека ќерката е привремено ослободена до рочиштето во јануари.

Според изворите, мајката и ќерката биле поврзани со „синдикат на пентхаус“, а полицијата верува дека во операцијата можеби биле вклучени и корумпирани банкарски службеници.