ГОЛЕМ ПОЛИТИЧКИ РОКАД ВО БЕЛГРАД: Вучиќ е официјалниот кандидат на СНС за премиер на Србија!

Едногласна поддршка на седницата во Ниш

Одлуката на партискиот врв означува целосна консолидација на редовите на напредњаците пред почетокот на изборната трка. Лидерот на СНС, Милош Вучевиќ, потврди дека партиските органи дале безусловна поддршка за Вучиќ да застане на чело на новата изборна коалиција и лично да ја води извршната власт. Според неговите зборови, оваа одлука претставува природен чекор за обезбедување стабилност и континуитет во развојот на земјата во пресрет на неизвесниот изборен процес.

„Констатирам дека главниот одбор на Српската напредна партија донесе едногласна одлука на идните избори да настапиме со листата ‘Александар Вучиќ, обединета Србија’, дека носител на листата и прв на листата е Александар Вучиќ и дека Александар Вучиќ е нашиот кандидат за претседател на Владата“, соопшти Вучевиќ.

Старт на кампањата и теренска мобилизација

Веднаш по завршувањето на седницата на Главниот одбор, партиската машинерија на СНС доби наредба за максимална теренска активност. Вучевиќ упати директен повик до сите општински одбори и членови на партијата веднаш да започнат со организирано собирање на граѓанските потписи за поддршка на изборната листа. Најавувајќи агресивна и победничка кампања, раководството на партијата стави јасно до знаење дека изборите се прашање на денови и дека целта останува освојување на убедливо парламентарно мнозинство.

„Започнува кампањата, изборите се тука пред нас. Како што рече претседателот Вучиќ, одиме да победиме!“, дециден беше Вучевиќ.