‘Да, Ким Кардашијан, бевме на Месечината 6 пати!’: Како НАСА ѝ одржа лекција на Ким Кардашијан

‘Да, Ким, бевме на Месечината 6 пати!’: НАСА ѝ одржа јавна лекција на Ким Кардашијан откако таа ги рашири теориите на заговор од ТикТок

Во еден од најбизарните судири меѓу науката и поп-културата, американската вселенска агенција НАСА беше принудена јавно да одговори на ријалити ѕвездата Ким Кардашијан (45), откако таа во своето шоу изјави дека верува оти слетувањето на Месечината во 1969 година било лажно. Вршителот на должноста администратор на НАСА, Шон Дафи, не остана должен и ѝ испрати директна порака на милијардерката, која своите „докази“ ги темели на клипови од ТикТок.

Целиот скандал започна во најновата епизода од „Keeping Up with the Kardashians“, каде Ким беше снимена на пауза од снимањето на нејзината нова правна драма „All’s Fair“. Во разговор со колешката актерка Сара Полсон, Ким почнала да ги изразува своите сомнежи за мисијата Аполо 11.

„Одете на ТикТок, уверете се сами“: Доказите на Ким Кардашијан

Ким Кардашијан сериозно се сомнева во еден од најголемите подвизи на човештвото, а нејзините аргументи доаѓаат директно од светот на теориите на заговор. Таа прво го спомна „другиот човек“, очигледно заборавајќи го името на Нил Армстронг, а потоа се фокусираше на Баз Олдрин. Таа цитираше лажно интервју каде Олдрин наводно „признал“ дека не било страшно, „бидејќи не се случило“. Ким заклучила дека 95-годишниот Олдрин „остарел“ и почнал да ја кажува вистината.

Таа, исто така, ги сподели и класичните „докази“ на заговорниците: „Зошто знамето се вее ако нема гравитација на Месечината? Отпечатоците од чевли во музејот се различни од оние на фотографиите. И – зошто нема ѕвезди?“. На крајот, таа им порача на гледачите: „Ќе речат дека сум луда без разлика што. Но, одете на TikTok. Уверете се сами“.

НАСА возврати: ‘Ја добивме и оваа вселенска трка’

Овие изјави, кои допираат до милионска публика, очигледно беа премногу за НАСА. Шефот на агенцијата, Шон Дафи, јавно ѝ одговори на Ким Кардашијан преку социјалните мрежи. „Да, Ким Кардашијан, бевме на Месечината… 6 пати!“, напиша Дафи. Тој не застана тука, туку ја искористи можноста да ја промовира новата вселенска програма: „И уште подобро: @NASAArtemis се враќа под водство на @POTUS (Претседателот на САД). Ја добивме последната вселенска трка и ќе ја добиеме и оваа“.

Овој јавен одговор е јасен показател дека НАСА повеќе не сака да ги игнорира дезинформациите, дури и кога тие доаѓаат од најголемите светски ѕвезди. Додека Ким Кардашијан можеби се подготвува за својата нова улога како адвокат, НАСА ја потсети дека некои факти сепак не се предмет на дебата, без разлика колку се популарни на ТикТок.