ДЕМАНТ И ИЗВИНУВАЊЕ

Во врска со објавените тврдења дека „судската пресуда зависи од волјата на жртвата“ и дека „градоначалничката имала влијание врз одлуката на Судот“, јавно истакнуваме дека тие наводи се неточни и погрешно претставени.

Судската пресуда не зависи од волјата на жртвата. Одлуката за видот и висината на казната ја носи Судот, врз основа на признание или непризнание на вина, психо-социјален профил на обвинетиот, степен на насилство и примената на олеснителни и отежнителни околности согласно Кривичниот законик.

Градоначалникот нема правна можност, ниту надлежност да „одлучува“ или „определува“ санкција на обвинето лице.

Во претходниот текст се инсинуираше дека „благодарение на неа обвинетиот добил условна казна“ или дека таа имала „клучно влијание врз пресудата“. Овие тврдења се неточни, претставуваат клевета и обид за дискредитирање на функцијата Градоначалник.

Вистините се следните:

Во првиот случај, обвинетиот Љамалари извршил физички напад, не ја признал вината и Судот изрече ефективна казна затвор.

Во вториот случај, обвинетиот Нуредини извршил физички напад во обид, ја признал вината и Судот применил олеснителни околности согласно законските одредби.