ДРАМА ВО ВСЕЛЕНАТА: Кинеските астронаути ќе го напуштат оштетениот брод, се враќаат со „резерва“!

КИНЕСКИТЕ АСТРОНАУТИ ЌЕ ГО НАПУШТАТ НЕБЕЗБЕДНОТО ЛЕТАЛО: Ќе се вратат на Земјата со капсулата „Шенжоу-21“

Вселенското летало „Шенжоу-20“ е прогласено за несоодветно за безбедно враќање на астронаутите, откако биле откриени мали пукнатини на прозорецот на капсулата. Поради ова, леталото ќе остане во Вселената и ќе продолжи со научни експерименти, соопшти Кинеската вселенска агенција (КМСА).

Враќањето, првично закажано за 5 ноември, беше одложено поради сомневање за мал удар од вселенски отпад (остатоци од други летала).

Повеќе од само пукнатини: „Тијангонг“ ги згрижи двата тима

Поради новонастанатата ситуација, екипажот на „Шенжоу-20“ – астронаутите Чен Донг, Чен Жонгруи и Ванг Џие – ќе се вратат на Земјата со вселенското летало „Шенжоу-21“, кое неодамна пристигна на станицата со новиот екипаж. Од КМСА соопштија дека астронаутите се во добра состојба и дека сите системи за враќање се подготвени.

Кинеските власти потврдија дека нивната вселенска станица „Тијангонг“ работи нормално и може да ги прими двата тима. Новата можност за враќање е в петок, на местото за слетување „Донгфенг“ во Внатрешна Монголија.