Египет извлече потонати артефакти од морето по 25 години

Египет пронајде потонати артефакти во Средоземното Море

Првпат по речиси четврт век, нуркачите извлекоа импресивни артефакти од водите кај Александрија.

Египетските археолози соопштија дека по 25 години повторно се пронајдени потонати артефакти во Средоземното Море, во близина на заливот Абу Кир кај Александрија. Нуркачите користеле јажиња и кранови за внимателно да извлечат четири големи парчиња од калливото морско дно.

Највпечатливиот наод е гранитна статуа без глава и нозе, долга 2,17 метри, за која се претпоставува дека потекнува од доцниот период или ерата на Птоломеј. Првично, статуата била висока околу 5 метри. Артефактите веднаш биле изложени за време на свеченоста во Александрија.

Првото откритие по 2001 година – според Мохамед Исмаил Халед, шеф на Врховниот совет за антиквитети, ова е прво подводно откритие од 2001 година наваму. Наодите се дел од проект започнат во 2023 година за истражување на античкиот потонат град Тонис-Хераклион, кој се наоѓа околу 2,5 километри подалеку.

Се верува дека Хераклион бил уништен и потопен по силен земјотрес во 2. век п.н.е. Новите артефакти ја потврдуваат оваа теорија, а археолозите веќе најавија дека е пронајден и брод, за кој дополнителни детали ќе бидат откриени по подводните истражувања.