Петар M.
Оваа децидна порака Мицкоски ја испрати одговарајќи на жестоките критики од опозицијата. Тој нагласи дека сите процеси ќе бидат целосно јавни и транспарентни, без апсолутно никакви тајни зделки под маса. Премиерот истакна дека како инженер се срами од огромното непознавање и техничкото незнаење кое го манифестираат одредени лидери на политички партии. Според него, нивните реакции се водени исклучиво од лични фрустрации, а не од реална грижа за граѓаните.
Вештачката интелигенција е иднината, опозицијата ја кочи државата
-
La Linea v14
699 ден
524.25 ден
Мицкоски направи директна споредба со глобалните технолошки гиганти за да ја долови важноста на процесот. Замислете каде би биле САД денес без компании како Nvidia, Amazon и OpenAI, чии брендови вредат илјадници милијарди долари. Тој порача дека овие светски гиганти никогаш не би го ризикувале својот имиџ доколку дата-центрите навистина го загрозуваа квалитетот на животот, како што се обидуваат да прикажат одредени политички структури во земјава.
„Треба да се соочиме со реалноста дека имаме политичари кои се платени од граѓаните, а во суштина не ја сакаат Македонија. Тие не сакаат државата да се развива, туку си ги сакаат само своите привилегии.“
Дата-центрите како спас од масовното иселување
Осврнувајќи се на актуелната иницијатива во Пехчево, премиерот појасни дека тоа е приватен проект и државата нема никаква поврзаност со тоа. Тој потсети на неговите минати предупредувања за демографската криза, кои денес станаа сурова реалност со дури 200 паралелки помалку низ училиштата. Изградбата на модерна инфраструктура и носењето на технолошки гиганти е единствениот реален пат за економски спас. Според Мицкоски, тоа е клучниот начин да се задржат младите и да се вратат иселените граѓани назад во татковината.
