Испливаа првите фотографии од новиот iPhone 17 Pro, погледнете го новиот дизајн

Исплива првата снимка од iPhone 17 Pro? Новиот дизајн на камерата е веднаш воочлив.

Одројувањето до претставувањето на серијата iPhone 17 е во тек, а на социјалните мрежи веќе се појавија првите фотографии кои наводно откриваат како ќе изгледа новиот Pro модел. Доколку се автентични, овие слики го потврдуваат она што долго се шпекулира – Apple подготвува најголема промена во дизајнот уште од моделот iPhone X, со посебен фокус на модулот за камери.

Поместен LiDAR и блиц: Што откриваат фотографиите?

Фотографиите, кои прв ги објави корисникот @Skyfops на мрежата X, прикажуваат маж кој држи два iPhone уреди на улиците на Лос Анџелес. Едниот е препознатлив како актуелната генерација, додека другиот, иако во заштитна маска, има видливо поинаков распоред на камерите. Главните леќи се на истото место, но LiDAR сензорот и блицот се поместени од десната страна на модулот.

Овој нов распоред целосно се совпаѓа со претходните гласини, а кредибилитет на приказната ѝ даде и познатиот новинар на Bloomberg, Марк Гурман, кој ја коментираше објавата. Фактот што телефонот е забележан во Калифорнија, во близина на седиштето на Apple, дополнително ја зголемува можноста дека станува збор за автентичен прототип кој е на теренско тестирање.

Поголем модул и портокалова боја?

Оваа протечена слика е само дел од пошироката приказна за iPhone 17. Според други извори, новиот модул за камерата ќе биде значително поголем, протегајќи се речиси на една третина од задниот дел на телефонот. Се најавува и употреба на нови материјали, како и воведување на похрабри бои, меѓу кои и впечатлива нијанса на портокалова.

I just spotted a test development iPhone in the wild 🤩🤩🤩 pic.twitter.com/iS3PtKWqxJ

— Fox Pupy 🦊🧡 (@Skyfops) July 28, 2025

Почеток на најголемиот редизајн од iPhone X

Протекувањето на фотографија од прототип кој се тестира „во дивина“ се смета за многу посилен доказ од обичните 3Д рендери. Ова е првиот визуелен доказ дека Apple навистина подготвува голем редизајн, веројатно како одговор на критиките за недостаток на иновации. Промената на распоредот на камерата речиси сигурно не е само естетска; таа најверојатно е направена за да се смести поголем главен сензор или нова технологија за перископски зум.

Без разлика дали ова протекување е случајно или намерно, тоа го означува неофицијалниот почеток на едногодишниот „хајп“ за iPhone 17, давајќи им на фановите конкретен доказ дека по неколку години на минимални промени, конечно доаѓa нешто визуелно ново и возбудливо.