Весна Љ.
Падна деценискиот рекорд на Берлускони
Италијанската политика отсекогаш била синоним за непредвидливост, но актуелната влада успеа да му пркоси на овој неславен тренд. Четириесет и деветгодишната Мелони официјално го надмина претходниот рекорд кој цврсто го држеше втората влада на контроверзниот Силвио Берлускони во периодот од 2001 до 2005 година. Нејзиниот кабинет, кој положи заклетва на 22 октомври 2022 година, сега брои 1.413 дена на власт, еден ден повеќе од досегашниот историски максимум на Берлускони кој изнесуваше 1.412 дена.
Крај на ерата на политичка нестабилност
-
Апсана
699 ден
524.25 ден
Статистиката за италијанската извршна власт низ годините е фрапантна и сведочи за хронична политичка нестабилност во една од водечките европски економии. Од формирањето на републиката пред осум децении, земјата променила дури 68 влади, чиј просечен животен век изнесувал едвај 13 месеци. Коалицијата на Мелони, составена од три десничарски и конзервативни партии, претставува вистински политички феномен, успевајќи да се одржи компактна и функционална речиси цели четири години без предвремени избори.
„Актуелниот рекорд не е само статистика, туку јасен показател дека долговечноста на владата претставува голем национален успех кој ѝ ја враќа неопходната стабилност на Италија“, е ставот со кој Мелони го презентира овој историски момент пред јавноста.
Берлускони сè уште води во вкупниот стаж
И покрај овој импресивен успех во непрекинат мандат, вкупната политичка математика сепак чува место за старите политички лидери. Доколку се соберат мандатите на сите влади предводени од ист премиер со прекини, Силвио Берлускони останува неприкосновен лидер со повеќе од девет години поминати на премиерското столче. Според овој кумулативен критериум, лидерката на партијата „Браќа на Италија“ моментално се наоѓа на седмото место, но нејзината партија веќе најави голем победнички митинг во јужниот пристанишен град Бари, каде вечерва ќе се слави историскиот континуитет на актуелната власт.
