Најдобриот домашен рецепт за бајадера: Чоколаден колач што се топи во уста!

Бајадерата е десерт кој освојува со богатиот чоколаден вкус и сочната текстура, а овој домашен рецепт носи совршен баланс кој можете лесно да го подготвите дома.

Овој колач не бара професионални вештини, а резултатот е десерт што се топи во уста. Еве како да ја направите највкусната домашна бајадера.

Состојки:

• 250 мл вода
• 600 г шеќер
• 200 г путер
• 200 г мелени кикиритки (може и ореви или лешници за класичен вкус)
• 250 г мелени бисквити
• 100 г млечно чоколадо (за во смесата)

За глазура:

• 1 лажица путер
• 100 г млечно чоколадо
• 3 лажици млеко
• 3 лажици масло

Подготовка:

1. Во тенџере ставете ги водата и шеќерот и оставете да зовријат. Штом зоврие, тргнете го тенџерето од рингла.
2. Во врелиот сируп додадете ги кикиритките, бисквитите и путерот. Мешајте енергично додека сè не се соедини во хомогена смеса.
3. Добиената смеса поделете ја на два еднакви дела во два сада. Во едниот дел додадете го стопеното млечно чоколадо (ова ќе биде темниот дел), а другиот оставете го каков што е (светол дел).
4. На соодветна тацна или калап, прво распоредете го и израмнете го темниот дел. Врз него, внимателно нанесете го и израмнете го светлиот дел. Ставете го колачот во фрижидер да се stegne.
5. За глазурата: На пареа стопете го чоколадото со путерот, млекото и маслото, мешајќи додека не се добие мазна смеса.
6. Прелијте го оладениот колач со глазурата и вратете го во фрижидер (најдобро преку ноќ). Исечете на штангли и послужете.