Ова е мускат, 3 години стар, созреан во метални буриња…

Дегустаторот во една фабрика за вино починал па затоа компанијата решила да вработи нов дегустатор. На огласот за работа се пријавил еден тежок пијаница со искинати и нечисти алишта.

Директорот на кадрово размислувал како да го избрка, па решил да го истестира неговото познавање за вината очекувајќи дека нема да може ниту бело од црвено вино да разликува.

Му дал чаша со пијалак.

„Ова е мускат, 3 години стар, созреан во метални буриња.”

„Точно!” – рекол директорот.

Му дал и втора чаша.

„Ова е црвено вино, кабернет, старо 8 години, чувано во дабови буриња.”

„Точно” – рекол директорот вчудоневидено, давајќи и знак на секретарката. Таа донела чаша урина.

Пијаницата ја пробал и рекол:

„Плавуша, 26 години, бремена во трети месец. И ако не ми ја дадеш работата ќе кажам и чие е детето!”