Патувања за милионери: Од горили до вселената – ексклузивни тури за оние со најдлабок џеб

Најскапите туристички авантури во светот: од планинарење со горили до нуркање во Маријанскиот ров

За оние кои бараат авантура без премногу ограничувања, овие луксузни и екстремни тури претставуваат уникатни искуства што ја исполнуваат листата на желби, но бараат длабок џеб.

Ако сте ја истрошиле класичната туристичка рута и барате нешто навистина посебно, од планинарење со горили во Руанда до нуркање во најдлабокиот дел на океанот, овие тури се најскапите авантури кои можете да ги најдете. Магазинот „Go Banking Rates“ состави листа на седумте најлуксузни и ексклузивни патувања што нудат незаборавни доживувања, со цени што можат да достигнат и милиони долари.

1. Планинарење со горили во Руанда – Цена: 1.500 долари по час. За љубителите на природата, гледањето горили во нивното природно живеалиште е незаменливо искуство, но и скапо поради законските дозволи кои се користат за зачувување на природата.

2. Тура-миситерија во британскиот воз Пулман – Цена од 1.400 до 2.800 долари. Оваа драма инспирирана од 1930-тите вклучува патување со луксузен воз, вечера и интерактивна игра со решавање на мистерија.

3. Вагонот „L’Observatoire“ на Venice Simplon-Orient-Express – Цена: до 86.000 долари за ноќевање. Ова возење со воз е вистинско уметничко дело и луксузен престој, со ексклузивни удобности како мермерна бања и 24-часовен батлер.

4. Антарктик – Цена: од 10.000 до 100.000 долари. Патување до најстудениот континент на Земјата со авион или крстарење, со можност за истражување на глечери и животни како пингвини.

5. Северниот Пол – Цена: од 30.000 до 200.000 долари. Вклучува летови, експедиции со хеликоптери и можност за нуркање со поларни мечки, идеално за најхрабрите и најбогатите.

6. Нуркање во Маријанскиот ров – Цена: 750.000 долари. Најдлабокиот дел од океанот нуди четиричасовна експедиција во подморница до неверојатни 11 километри под површината.

7. Вселенско патување – Цена: над 30 милиони долари. Лет до границата на вселената со Blue Origin New Shepard, овозможувајќи неколку минути бестежинска состојба и поглед кон Земјата од височина од 100 километри.

Зошто луѓето плаќаат милиони за овие авантури?

Овие тури не се само за патување, туку за искуство кое ги менува животите. Од физичките предизвици, ексклузивноста до статусот што го носи учеството во вакви авантури, луѓето ги бираат овие патувања за да создадат незаборавни спомени и да почувствуваат ексклузивност.

Сепак, не секој патник може да си дозволи вакви луксузи, а некои авантури како нуркањето во Маријанскиот ров или летот во вселената остануваат резервирани за најбогатите и најхрабрите. Без разлика на цената, овие дестинации нудат можност за искуство што ретко се повторува.