Путин без влакна на јазикот ги нарече „идиоти“ западните лидери: „Сами си предизвикуваат рецесија за да ни наштетат!“

Рускиот претседател Владимир Путин вчера упати досега можеби најостра вербална салва кон земјите кои воведуваат санкции против Русија, нарекувајќи ги без пардон „идиоти“!

Во своето обраќање пред руските бизнисмени, тој без влакна на јазикот порача дека водечките светски економии, во својот слеп обид да ѝ наштетат на Москва, свесно се туркаат самите себеси во длабока економска рецесија.

Дали оваа шокантна изјава од Кремљ е само израз на фрустрација поради ефектите од санкциите или пак претставува самоуверена проценка за глобалните економски последици? Што точно кажа Путин и каква порака испрати кон Западот?

На вчерашниот состанок со членовите на јавната организација „Бизнис Русија“, рускиот претседател Владимир Путин ги коментираше актуелните и најавените санкции што Европската Унија и другите западни земји ги воведуваат кон Русија.

Неговите изјави беа невообичаено директни и остри. „Се чини дека нема да го направат ова и она затоа што им штети. Но, тие навистина го прават тоа – идиоти“, изјави Путин, додавајќи со доза на сарказам: „Извинете за изразот. Но, што друго можам да кажам?“

Според рускиот претседател, земјите кои инсистираат на политиката на санкции се свесни за негативните последици врз сопствените економии, но сепак продолжуваат со таквите мерки.

„Водечките светски економии паѓаат во рецесија само за да ни наштетат“, заклучи Путин, сугерирајќи дека овие потези се повеќе мотивирани од желбата да се нанесе штета на Русија отколку од реална економска логика или долгорочна стратегија за сопствен просперитет.

Putin is really not happy about new sanctions. He calls those imposing sanctions on him “idiots”

“The world economy is going into a recession just to hurt us” pic.twitter.com/Pf9HH8yyd7

— Polymarket Intel (@PolymarketIntel) May 13, 2025