Риба „мутант“ од Дунав ги шокираше риболовците, никој не видел ништо слично

Необична риба уловена во Дунав кај Неготин привлeче големо внимание кај љубителите на риболовот, но и кај корисниците на социјалните мрежи!

Риболовецот Света П. на својот профил на социјалната мрежа Фејсбук споделил фотографија од риба со необична и изразена деформација на главата, која го оставила во чудо.

„Ова никогаш не сум го видел. Уловено на Дунав, Кусјак, камп Стеван Мокрањац“, напишал Света покрај фотографијата од својот несекојдневен улов.

На фотографиите се гледа риба, подолга од половина метар, но со толку деформирана глава што не е можно да се препознае ниту за кој вид станува збор. Објавата брзо предизвика бројни реакции, а следбениците се обидуваа да го идентификуваат видот на рибата и причината за невообичаениот изглед.

Дебата на интернет: Мутација или загадување?

Еден од коментарите сугерираше дека деформацијата настанала додека рибата била мала, додека други напоменаа дека можеби е во прашање мутација. Полемиката трае веќе со денови.

„Генетско пореметување или зрачење од тешки метали и пластика“, изричен беше еден корисник.

„Изгледа дека е во прашање бабушка (караш). Дефинитивно крлушките и подрешната перка одговараат на тој вид“, напишал еден корисник.

Други беа уверени дека на фотографиите е крап, додека трети изразија запрепастеност. „О боже! Ова првпат го гледам“, коментирала една жена.

Некои коментатори се обидоа да ја објаснат појавата на деформитетот преку природни процеси. „Очигледно е дека е некоја мутација. И луѓето се раѓаат со деформитети, не гледам причина зошто да не можат и рибите и животните“, пишува во еден коментар.

Овој необичен улов уште еднаш потсетува дека природата често знае да изненади, а ретките примероци како оваа риба стануваат вистински хит на интернетот и тема за расправа меѓу риболовците, но и кај љубопитните лаици.