Семките од лубеница: Дали треба да ги вадиме или слободно да ги јадеме?

Лубеницата е неизбежен дел од летното мени – таа освежува, ја гаси жедта и освојува со својот сладок вкус.

Но, додека уживаме во секој залак, често се прашуваме дали треба да ги вадиме семките. Или можеме безгрижно да ги изедеме? Ова е прашање што предизвикува многу дебати.

Митот од детството наспроти вистината

Многумина уште од детството веруваат во приказната. Дека „ќе им порасне лубеница во стомакот“ ако проголтаат семки. Меѓутоа, реалноста е сосема поинаква. Експертите потврдуваат дека семките од лубеница се целосно безбедни за јадење.

Хранлива вредност и како најдобро да ги искористите

Тие дури се и корисни за здравјето. Во својата сирова форма, семките се богати со хранливи материи. Содржат магнезиум, железо, цинк и протеини. Најмногу се искористуваат кога се сушени и лесно печени. Тогаш тие стануваат крцкава и хранлива грицка.

Интересно е што во некои култури токму семките се ценети повеќе од самиот плод. Во Нигерија и во одредени делови на Азија, од нив се подготвуваат различни јадења. Исто така, се прават и протеински богати пасти.

Нема потреба да ги вадите, но внимавајте ако имате чувствителен стомак

Ако изедете неколку семки додека јадете парче лубеница, нема ни да почувствувате разлика. Тие едноставно поминуваат низ дигестивниот систем, често и без да се разложат. Сепак, лицата со чувствителен дигестивен систем можеби треба да избегнуваат поголеми количини.

Затоа, следниот пат кога ќе загризете парче лубеница, нема потреба да се мачите. Нема потреба да ја вадите секоја семка. Ако не ви пречат – слободно изедете ги.