Тежам 108кг: родителите ги кријат децата од мене кога сум во бикини

Плус-сајз инфлуенсерка која е висока 150 сантиметри и тешка 108 килограми открива дека родителите ги кријат своите деца кога таа носи бикини, а често ѝ се случува и да скрши стол кога ќе седне.

Карли, позната како КокаКарли на интернет, не се плаши да ја покаже својата фигура. 36-годишната девојка од Канада вели дека постојано добива „валкани погледи“. „Во повеќе наврати, луѓето ги тргаа своите деца или им ги покриваа очите“, изјави таа. „Како да не сакаат да ги изложат своите деца на плус-сајз жени во бикини. Често добивам коментари од типот: ‘Има деца овде’, како да сум гола.“

Но, таа не дозволува ова да ја погоди. „Јас сум самоуверена… плус-сајз жените имаат право да носат бикини исто како и сите други. Нивен проблем е што не ги учат своите деца на прифаќање на телото, не е мој.“

Повеќе од само погледи – физичките предизвици на светот

Карли се соочува со проблеми и надвор од плажата. „Не ме собира во седиштата во авион. Се обидувам да одам по патеката без да удирам во луѓе, но тоа е многу тешко“, вели таа. „Не можам да нуркам или да правам водени активности, бидејќи нема костими или елеци за спасување во мојата големина. Еднаш бев на чамец и можев да видам дека сите се загрижени кога почна да тоне на мојата страна.“

„Нема да се намалам, престанете да чекате за да живеете“

И покрај тоа што крши столици и што хотелските крпи не ѝ се точни, Карли останува самоуверена и смета дека луѓето треба да ја прифатат, наместо да ја третираат „како криминалец“. „Одбивам да се смалам или да се покријам само затоа што на другите им е непријатно. Кога ќе излезам во бикини, тоа не е храброст – тоа е јас како постојам“, додава таа. „Престанете да чекате додека не добиете поинаква големина за да го живеете својот живот. Часовникот отчукува – облечете ги бикините веднаш.“