ТИРАНА ВО ПЛАМЕН: Запалена вилата на Енвер Хоџа по жестоки протести

Протестите во Тирана ескалираа со палење на поранешната вила на Енвер Хоџа, по судири меѓу демонстранти и полиција

Според албанските медиуми, дел од насобраните граѓани се упатиле кон објектот што некогаш служел како резиденција на поранешниот комунистички лидер. Во текот на инцидентот била фрлена запалива материја, по што избувнал пожар кој предизвикал значителна материјална штета.

Полицијата интервенираше, неколкумина приведени

Безбедносните сили интервенирале за да го локализираат огнот и да ја растераат толпата. Засега нема официјални информации за повредени, но албанските власти потврдија дека неколку лица биле приведени.

Протестите во албанската престолнина траат неколку дена и се насочени против актуелната власт, со обвинувања за корупција и лошо управување. На социјалните мрежи се шират видеа со густ чад и пламен над вилата, додека демонстрантите извикуваат пароли. Ситуацијата во градот останува напната, а полицијата е распоредена на повеќе локации.

Protestors from the opposition have just set parts of the former vila of Enver Hoxha on fire. It was turned into an art residence recently, with artists from all over the world staying there. Video from Ora News Albania. pic.twitter.com/Jqoa0oebT0

— Franziska Tschinderle (@tschinderle) February 28, 2026