„Толку бргу ли нè заборавивте?“: Мажот од плоштадот ја откри тажната вистина зад својот протест

Мистеријата околу мажот кој денеска се врза со селотејп за бандера на плоштадот во Скопје е разрешена.

Неговиот чин не беше случаен, туку очајнички обид да го сврти вниманието на јавноста кон тешката ситуација во Кочани, особено кон трагичната судбина на неколку деца. Која е потресната приказна што го натера на ваков драстичен чекор?

Откако се собраа новинарските екипи, човекот, по потекло од Кочани, проговори. Тој објасни дека неговиот протест е порака за неодамнешната трагедија со деца од неговиот град. Според неговите зборови, тие деца „цел живот ќе немаат раце“ откако биле пуштени од болница.

„Па толку бргу ли нè заборавивте нас од Кочани? Зошто тој град никогаш не бил битен?“, праша тој емотивно, критикувајќи го долгогодишното занемарување на градот.

Тој повика наместо отворање нелегални дискотеки, во Кочани да се инвестира во иднината на младите. Потребни се културни центри, спортски сали и кина.

Човекот откри дека и самиот носи длабоки лузни, губејќи петмина пријатели, и чувствува должност да направи нешто за својот град. „Јас сум секако духовно врзан. Морам да направам нешто за него“, рече тој, објаснувајќи ја симболиката на неговиот чин.

Посебен акцент стави на итната потреба од помош за повредените деца. Донациите се значително намалени, а нивните потреби се огромни и долгорочни. „Само на едно дете знам дека му се потребни ракавици за рацете и за нозете.

Една ракавица е 1.000 евра. Значи, ќе му требаат 4.000 евра“, истакна тој, додавајќи дека се сомнева оти државата ќе ги обезбеди тие средства. „Каков живот ќе живеат тие деца? Ако ништо друго, за тие деца да се соберат пари“, апелираше човекот.