Трамп побесне по пропаѓањето на примирјето: „Имаме две земји кои не знаат што прават!“

Американскиот претседател Доналд Трамп реагираше по наводите дека примирјето на Блискиот Исток е прекршено.

Тој порача дека оваа ситуација мора „веднаш да ја реши“. На прашањето дали мисли дека Иран е сè уште посветен на мирот, Доналд Трамп даде интересен одговор.

„И Израел и Иран го прекршија примирјето“

„Верувам. Тие го прекршија примирјето, но тоа го направи и Израел,“ рече тој. „Израел, веднаш откако го склучивме примирјето, исфрли толку многу ракети. Тоа никогаш претходно не сум го видел.“

„Не сум среќен со Израел,“ изјави Трамп пред новинарите. „Кога ќе кажам: ‘Добро, имате 12 часа’, тогаш не одиш во првиот час и го истураш на нив сето она што го имаш,“ додаде тој.

„Не сум среќен ниту со Иран. Но, најмногу сум лут поради тоа што Израел го направи утрово.“ „Поради една ракета, која можеби беше и грешка,“ рече Трамп.

„Две земји кои повеќе не знаат што прават“

Тој потоа го објасни своето мислење за целиот конфликт. „Знаете, имаме две земји, кои се борат толку долго…“ „…и толку силно, што повеќе воопшто не знаат што прават,“ изјави Трамп. Ова го изјави пред да влезе во својот хеликоптер.

Тој рече и дека иранските нуклеарни капацитети „исчезнале“. И дека Техеран никогаш нема да ја обнови својата нуклеарна програма. Претходно, тој на социјалните мрежи даде и гаранции. Напиша дека Израел нема да го нападне Иран и дека примирјето е на сила.