УАПСЕН ЗЕТОТ НА ПОКОЈНИОТ ЗОКИ ФАЦИ: Ги ЗАПАЛИЛ куќата и станот каде живееле СЕСТРА МУ и ВНУЦИТЕ?!

Вчераутро била избегната поголема трагедија во скопско Ново Лисиче. Тодор Митровиќ, зет за сестра на покојниот естраден новинар Зоран Василевски-Фаци, е уапсен. Тој се сомничи дека подметнал два пожари.

Обвинение за подметнување пожар

Според Обвинителството, Митровиќ е осомничен за предизвикување општа опасност. На 2 мај, во утринските часови, тој наводно подметнал пожар на две локации. Прво пред влезната врата на викенд-куќа во Катланово. Потоа и пред влезната врата на стан во зграда во Ново Лисиче, Скопје.

Двата објекти се во сопственост на неговата сопруга. Тие биле разделени и воделе бракоразводна постапка. Во станот во Ново Лисиче живееле сопругата (сестрата на Фаци) и нивните две деца (внуците на Фаци). Според првичните информации, тие подолго време биле жртви на семејно насилство.

Осомничениот, според ОЈО Скопје, бил свесен за можните последици. Еден ден пред инцидентот (1 мај), тој телефонски им се заканувал на сопругата и на синот. На критичниот ден, користел бензин за да ги предизвика пожарите.

Пожарот во Катланово се проширил и во внатрешноста. Откако ги подметнал пожарите, тој ја известил сопругата. Таа веднаш ги алармирала соседите во зградата во Ново Лисиче. Тие почнале да го гасат пожарот пред станот. Успеале да спречат негово ширење кон другите станови.

Побаран притвор

Основното јавно обвинителство Скопје поведе постапка против Митровиќ. Делото е Предизвикување општа опасност по член 288 став 1 од КЗ. Обвинителот доставил предлог до Кривичниот суд. Побарано е определување мерка притвор за осомничениот.

Како причини се наведуваат околностите на делото. Тие укажуваат на „изразита пресметаност и висок степен на кривична одговорност“. Исто така, се проценува дека постои реална опасност од бегство.