Весна Љ.
Отстранети временските рокови од нацрт-заклучоците
По директната интервенција на Пленковиќ во Брисел, заклучоците за Црна Гора претрпеа значителни измени во споредба со првичниот нацрт. Според хрватските медиуми, клучната промена е отстранувањето на конкретните временски одредници.
-
Пулсот на пивото
699 ден
524.25 ден
Избришан е делот кој предвидуваше постигнување договор за привремено затворање на поглавјата до крајот на оваа година, како и формулацијата за финализирање на договорот за пристапување „во најкраток можен рок“.
Осум барања во клучните поглавја 23 и 31
Хрватската дипломатија оваа недела испрати детален документ до сите земји членки на ЕУ, како и до претседателите на Европската комисија и Европскиот совет, во кој јасно ги образложува своите позиции и познатите осум барања кон Подгорица:
- Шест барања се однесуваат на Поглавјето 23 – Правосудство и основни права.
- Две барања се поврзани со Поглавјето 31 – Надворешна, безбедносна и одбранбена политика.
„Европскиот совет ја поздравува тековната работа на изготвување на договорот за пристапување со Црна Гора… под услов Црна Гора да спроведе соодветни реформи и да се работи на финализирање на договорот за пристапување што е можно поскоро“, се наведува во изменетите нацрт-заклучоци.
