27 венчаници, јахта од половина милијарда и 80.000 рози: Ова се сите неверојатни детали за свадбата на Џеф Безос

Џеф Безос и Лорен Санчез приредија венчавка што ќе остане запишана како најгламурозен настан годинава.

Свадбата претставуваше три дена раскош на островот Сан Џорџо Маџоре во Венеција. Буџетот, според проценките на италијанските медиуми, изнесувал околу 50 милиони евра. На церемонијата присуствуваа околу 200 до 250 гости, вклучувајќи ги и најголемите светски ѕвезди.

Моден спектакл: 27 венчаници вредни над 1,5 милион евра

Главен акцент на свадбата беше ставен на облеката на невестата. Таа носела 27 различни модни комбинации. Нејзините венчаници, сите рачно изработени од врвни модни куќи, беа вистински моден спектакл. Главниот венчален фустан бил изработен од Долче и Габана и за него биле потребни над 900 часа работа.

Меѓу другите фустани, се издвои и златниот сатенски од Скијапарели. Според проценките, само за венчалните фустани Лорен потрошила над 1,5 милион евра. Веднаш по официјалното „да“, таа го смени и својот инстаграм-профил во Лорен Санчез Безос.

Луксуз за гостите и протести на локалните жители

Безос на сопствената венчавка пристигна со својата јахта „Кора“. Оваа јахта е вредна 500 милиони долари. Гостите, пак, беа сместени во најпрестижните венецијански хотели. Секој гостин добил и свои лични асистенти и приватен транспорт.

Трошокот за третманот на гостите достигнал и до 100.000 евра по лице. Декорот вклучувал и финален огномет со 80.000 рози. И покрај големата инвестиција, локалните активисти протестираа. Тие носеле транспаренти „Нема простор за Безос“.