Весна Љ.
Детали од атентатот на улицата „Македонија“
Нападот се случи на 3 октомври 1995 година, точно во 9:50 часот, пред хотелот „Бристол“ во Скопје, кога службеното возило на претседателот се движело од неговата резиденција кон Собранието. Автомобилот бил таргетиран со експлозивна направа поставена во „цитроен ами 8“, која содржела околу 20 килограми експлозив и била активирана со далечински управувач во моментот кога претседателското возило било забавено од друго возило („фиќо“).
-
La Linea v13
699 ден
524.25 ден
Последици и жртви од експлозијата:
- Загинати: Во нападот животот го загуби возачот на претседателот, Александар Спировски, а од тешките повреди почина и случајниот минувач Христо Христоманов.
- Повредени: Тешки повреди претрпе телохранителот Илчо Теовски, како и граѓаните Климе Коробар и Јован Атанасовски, додека самиот претседател Глигоров го преживеа нападот со тешки повреди на главата.
Обемна истрага без конечен одговор
И покрај тоа што истрагата утврдила дека атентатот бил исклучително добро подготвен и организиран, повеќе од три децении подоцна случајот останува отворен против непознат сторител. Во рамките на полициските акции биле претресени десетици илјади возила, легитимирани стотици илјади лица и прегледани илјадници објекти, но нарачателите никогаш не биле откриени.
Киро Глигоров се повлече од политичката сцена и почина на 1 јануари 2012 година на 94-годишна возраст, оставајќи го атентатот како едно од најмрачните и најнерешените прашања во поновата македонска државност.
