Со овој десерт нема грешка затоа што едноставно е совршен, а исто така лесно се подготвува.

Состојки:

– 160 грама темно чоколадо;
– 2 јајца + 2 жолчки;
– 60 милилитри слатка павлака;
– 110 грама путер;
– 70 грама шеќер;
– 1/2 лажица екстракт од ванила;
– 35 грама брашно.

Подготовка:

–  Стопете 60 грама чоколадо во 60 милилитри слатка павлака на пареа.

– Добро промешајте за смесата да се соедини, па ставете ја во фрижидер да отстои околу два часа.

– Направете шест топчиња од подготвената смеса и повторно ставете ги во фрижидер.

– Загрејте ја рерната на 200 степени Целзиусови, а 6 калапи за суфле или пак лава колач премачкајте ги со путер или масло за јадење.

– На пареа стопете ги останатите 100 грама чоколадо со путер, па оставете смесата малку да се излади.

– Изматете ги јајцата, жолчките, шеќерот и ванилата.

– Измешајте го стопеното чоколадо и брашното, па помешајте.

– Ставете го тестото во калапи, но во секое од нив внатре ставете по едно од претходно подготвените чоколадни топчиња.

– Печете во рерна околу 15 минути, сè додека надворешниот слој не биде тврд на допир.

– Оставете да отстојат околу 5 минути во рерна, па потоа извадете ги.

– Со остар нож извадете ги колачите, па послужете.

Пријатно јадење!