Илон Маск со зборот „интересно“ го коментираше видеото за бомбардирањето на Југославија

Најбогатиот човек во светот и основач на „Тесла“ и платформата „X“, Илон Маск, повторно го привлече вниманието на јавноста, овој пат со објава на видео кое ги содржи зборовите на американскиот економист Џефри Сакс. Во видеото, Сакс го коментира НАТО бомбардирањето на Југославија во 1999 година и неговото влијание врз сегашните меѓународни односи.

Сакс, познат како еден од најценетите светски аналитичари, изјави дека бомбардирањето на Белград 78 дена било потег кој многу земји го сметаат за неетички и неправеден. Тој истакна дека НАТО ветил на Русија во 1990 година дека нема да се шири на исток, но тоа ветување било прекршено само неколку години подоцна. Сакс објасни дека бомбардирањето на Белград, како дел од стратегијата на НАТО, доведе до поделба на Србија и создавање на Косово.

Овој коментар го привлече вниманието на Маск, кој видеото го сподели со едноставната реакција: „интересно“. Објавата предизвика бурни реакции и дебати на социјалните мрежи, особено поради сензитивноста на темата за многу корисници од Балканот и пошироко.