Прогноза: Уште два дена со температури над 40 степени, од среда конечно освежување

Денеска и утре продолжува влијанието на многу топлата воздушна маса која продира од Африка.

Токму ова ќе услови и понатаму времето да биде претежно сончево. Се очекува и многу топло време со екстремно високи температури. Температурите насекаде кај нас ќе надминуваат 30 до 35 степени.

Додека, пак, во Повардарието тие повторно ќе се искачат и ќе надминат 40 степени. Според прогнозите, ваквото време ќе се задржи и во текот на утрешниот ден. Конечното освежување се очекува од среда, кога ќе биде значително посвежо.