„Треба веднаш да се запали“: Ја отвори кутијата на пандора среде шума

На социјалните мрежи кружи снимка од непознат младич, кој пронашол напуштено гнездо од стршлени и одлучил да им покаже на гледачите како изгледа неговата внатрешност.

Откако го исекол гнездото, гледачите имаат можност да ги видат слоевите од восок и „преградите“, а глетката, како што многумина коментираат, е прилично застрашувачка.

„Треба веднаш да се запали“

Снимката брзо стана вирална на мрежите, а повеќето корисници се шокирани, имајќи ја предвид „репутацијата“ на стршлените во светот. Едно лице дури напишало: „Треба веднаш да се запали“, додека други го предупредувале младичот да не им приоѓа на гнездата во природа, бидејќи опасноста е преголема.

Exploring the inside of a hornet’s nest pic.twitter.com/DRyu4CiPmH

— ViralRush ⚡ (@tweetciiiim) October 27, 2025

Повеќе од само убод – смртна опасност

Стршлените се познати по создавањето сложени гнезда од околните растителни материјали. Тие поседуваат осило со кое вбризгуваат отров, а убодот е исклучително болен и може да предизвика силни локални реакции кај луѓето. За алергичните лица, тој може да предизвика анафилактичен шок, а повеќе убоди истовремено можат да бидат опасни по живот.