Како да направите супа покремаста од кадифе за само 20 минути

Крем-супата од печурки е едно од оние јадења што ја греат душата.

Богата, нежна, кадифена и полна со вкус, а со парче крцкав леб одозгора – уште поубава. Овој рецепт е совршен за студените есенски и зимски денови, а најдобро од сè е што е готов за помалку од половина час.

Состојки:

• 400 гр шампињони (свежи)
• 1 помала главица кромид
• 1 чешне лук
• 2 лажици путер (или масло)
• 2 лажици брашно
• 600 мл вода или супа (бујон)
• 150 мл павлака за готвење (или млеко)
• Сол и бибер по вкус
• Малку леб или препечен тост (крутони) за сервирање

Подготовка:

1. Исечкајте ги ситно кромидот и лукот, а печурките на тенки листови.
2. Во длабоко тенџере загрејте го путерот, додадете го кромидот и кратко пропржете го додека да стане стаклест.
3. Додадете ги печурките и динстајте ги додека не ја пуштат својата вода и таа речиси целосно не испари.
4. Посипете со брашното, промешајте брзо за да се направи блага запршка (околу 1 минута).
5. Постепено додавајте го бујонот или водата, мешајќи постојано за да не се создадат грутки.
6. Гответе 10-15 минути на тивок оган.
7. Тргнете го тенџерето од оган и со рачен блендер (пасатор) измиксајте ја супата додека не добиете целосно мазна и кремаста текстура.
8. Вратете го тенџерето на рингла, додадете ја павлаката за готвење, зачинете со сол и бибер по вкус и оставете да проврие уште една минута.
9. Послужете ја топла, а одозгора наросете со крцкави крутони.