„СЕ РАСПАДНА ВО ВОЗДУХ!“: Драма на небото, се урна турски Ц-130 (ВИДЕО)

Турски воен транспортен авион Ц-130, кој летал од Азербејџан кон Турција, се урна на границата меѓу Грузија и Азербејџан, потврди турското Министерство за национална одбрана.

Видео снимките објавени од турските и меѓународните медиуми го покажуваат моментот на падот – авионот се спушта спирално надолу, оставајќи зад себе густа трага од бел чад. Според првичните искази на очевидци, авионот се „распаднал во воздух“, но причината за падот сè уште не е потврдена. Започнати се операции за пребарување и спасување во координација со властите на двете земји.

Повеќе од само несреќа – Ердоган ги нарече „маченици“

A Turkish Air Force C-130 (reg. 68-01609) military transport aircraft crashed after a mid-air disintegration in Georgia, after taking-off from Azerbaijan earlier today.

Turkish Ministry of National Defense: "Our C-130 military transport aircraft, which took off from Azerbaijan… pic.twitter.com/bm9KUG09L2

— FL360aero (@fl360aero) November 11, 2025

Бројот на членови на екипажот и жртвите сè уште не е официјално објавен. Турскиот претседател Реџеп Таип Ердоган изрази сочувство до семејствата на жртвите, нарекувајќи го екипажот „наши маченици“. Турското Министерство за одбрана сè уште не прецизирало во каква мисија бил авионот, иако летовите меѓу сојузниците Турција и Азербејџан се вообичаени.

Авионот бил стар 50 години

Според достапните информации, урнатиот авион бил „Локид Ц-130Е Херкулес“, кој е дел од Турските воздухопловни сили од почетокот на 1970-тите. Иако Турција ја модернизира својата флота „Херкулес“, овој авион бил еден од постарите модели.